Այսօր ՀՀ կառավարությունը հավանություն տվեց ՏՏ ոլորտի կազմակերպություններին, այդ թվում՝
օտարերկրյա կազմակերպությունների ՀՀ-ում հաշվառված առանձնացված ստորաբաժանումներին պետական
աջակցություն տրամադրելու մասին ծրագրին:
Պետական աջակցությունն իրականացվելու է պետական բյուջե վճարված եկամտային հարկի 50
տոկոսի չափով վերադարձի տեսքով:
Պետական աջակցության տրամադրման համար կարող են դիմել այն կազմակերպությունները, որոնք
միաժամանակ բավարարում են հետևյալ պայմաններին.
- ստացված եկամուտների 90 և ավելի տոկոսը ձևավորովում է ՏՏ ոլորտում համապատասխան
գործունեության արդյունքում, իսկ եկամուտների բացակայության պարագայում՝ աշխատողների
ընդհանուր թվաքանակի 90 և ավելի տոկոսը կազմում է ՏՏ ոլորտի մասնագիտական անձնակազմը,
- աշխատողների թվաքանակը ավելացել է առնվազն 50-ով՝ 2022 թվականի մարտի 1-ի դրությամբ
հաշվառված աշխատողների թվաքանակի համեմատ, ընդ որում՝ այդ աշխատողները 2022 թվականի
մարտ ամսվան նախորդած 6-ամսյա ժամկետում Հայաստանի Հանրապետությունում աշխատողներ
չեն հանդիսացել,
- դիմումի ներկայացման օրվան նախորդող օրվա դրությամբ չունեն 100 հազար դրամը գերազանցող՝
հարկային պարտավորություններ:
Պետական աջակցությունը տրամադրվում է 2022 թվականի մարտ ամսից սկսած 12 ամիսների համար: